चाबहिलमा रहेको ओम हस्पिटल एण्ड रिसर्च सेण्टर र गरीमा विकास बैंकबीच समझदारी पत्रमा हस्ताक्षर भएको छ । उपचार खर्चमा विशेष छुट दिने सम्बन्धमा यी दुई बीच सम्झौता भएको हो ।
सम्झौतामा गरिमा विकास बैंक लिमिटेडको तर्फबाट प्रमुख कार्यकारी अधिकृत गोविन्द प्रसाद ढकाल र ॐ हस्पिटल एण्ड रिसर्च सेण्टरको तर्फबाट प्रबन्ध निर्देशक बाबुकाजी कार्कीले हस्ताक्षर गरेका हुन् ।
सम्झौता अनुसार गरिमा विकास बैंक लिमिटेडका डेविट कार्डहोल्डर ग्राहकहरु, विकास बैंकका कर्मचारी र संस्थापक शेयरधनीहरुले ॐ हस्पिटल एण्ड रिसर्च सेण्टरमा उपचार गराउदां अपरेशन शुल्क, बेड शुल्क, मेडिकल शुल्क, ल्याब, एक्सरे, भिडियो एक्सरे, सिटी स्क्यान, इण्डोस्कोपी, कोलोनोस्कोपी लगायतका सेवाहरुमा विशेष छुट प्राप्त गर्नेछन ।
