मेगा बैंक नेपाल लिमिटेडले उपत्यका भित्र र उपत्यका बाहिरका शाखामा कारोबार समयावधि बढाएको छ । बैंकको केन्द्रिय कार्यालय भवनमा रहेको मुख्य शाखा र ठमेल शाखाले बिहान ८ बजेदेखि साँझ ८ बजेसम्म सेवा दिँदै आएका थिए । उक्त शाखाहरुबाट वर्षमा ३६५ दिन नै ग्राहकले सेवा पाउने व्यवस्था मिलाएको बैंकले जनाएको छ ।
उपत्यका भित्रकोे कलंकी, जावलाखेल र न्यूरोड शाखाबाट ग्राहकले बेलुकी ७ बजेसम्म सेवा लिन सक्नेछन् भने गोंगबु शाखा बेलुकी ६ बजेसम्म सञ्चालन हुनेछ । उपत्यका बाहिरको जनकपुर शाखाबाट ग्राहकले बेलुकी ७ बजेसम्म र हेटौंडा शाखाबाट बेलुकी ६ बजेसम्म सेवा लिन मिल्ने व्यवस्था मिलाइएको बैंकले जनाएको छ ।
बैंकले उपत्यकाभित्रका ६ वटा शाखाहरु र उपत्यका बाहिरका शाखाहरुमध्ये १० वटा शाखाहरु शनिवार एवं सार्वजनिक विदाको दिनमा समेत सञ्चालनमा रहनेछन् । उपत्यकाभित्रका थप ४ वटा शाखाहरु र उपत्यकाबाहिरका थप ३ वटा शाखाहरु शनिवार बाहेक अन्य सार्वजनिक बिदामा पनि खुल्ला रहने बैंकले जनाएको छ ।
बैंकले ९९ शाखा, १४ एक्टेनशन काउन्टर, ११९ वटा शाखारहित केन्द्रहरु, ७४ मेगा मनी मेशिन मार्फत सेवा प्रदान गदैृ आएको छ ।