गुराँस लाइफ इन्स्योरेन्स कम्पनी लिमिटेड र मेगा बैंक लिमिटेड बीच बैंकासुरेन्स सम्झौता भएको छ । सम्झौता अनुसार मेगा बैंकका सम्पूर्ण शाखा कार्यालयहले गुराँस लाइफ इन्स्योरेन्स कम्पनी लिमिटेडको वार्षिक नगद फिर्ता जीवन बीमा र एउटै योजनामा सावधिक , आजीवन र पेन्सन जीवन बीमा योजना सहित १२ वटा जीवन बीमा योजना विक्री गर्न सक्ने छ।
सम्झौतामा इन्स्योरेन्स कम्पनी को तर्फबाट सहायक महाप्रबन्धक सरोज बि.सी. र बैंक को तर्फबाट नायब प्रमुख कार्यकारी अधिकृत रविना देशराज श्रेष्ठले हस्ताक्षर गरेका हुन् ।
सम्झौतापछि मेगा बैंक लिमिटेडका ग्राहकहरुले बैंकको कुनैपनि शाखाबाट गुराँस लाइफ कम्पनीको जीवन बीमा सम्बन्धि सम्पूर्ण सेवा सहज रुपले लिन सक्नेछन् ।
