ग्लोबल आइएमई बैंक र आइएमई लाइफ इन्सुरेन्सबीच बैंकास्योरेन्स सम्झौता भएको छ । सम्झौतामा बैंकका तर्फबाट प्रमुख कार्यकारी अधिकृत जनक शर्मा पौड्याल र इन्स्योरेन्सका तर्फबाट सहायक महाप्रबन्धक दिनेश अमात्यले हस्ताक्षर गरे ।
सम्झौता पश्चात बैंकका ग्राहकले बैंकका १३१ वटै शाखाहरु मार्फत आइएमई लाइफको जीवन बीमा योजनाहरु खरिद गर्नुका साथै जीवन बीमा सम्बन्धी सम्पूर्ण सेवाह प्राप्त गर्न सक्नेछन् ।
बैंकले हाल १३१ वटा शाखा, १५ वटा राजश्व संकलन काउण्टर, १३४ एटिएम, ५ वटा एक्सटेन्सन काउण्टर तथा १०० शाखा रहित बैंकिङ्ग मार्फत सेवा प्रदान गर्दै आएको छ ।