नेपाल बङ्गलादेश बैंक लिमिटेडले नवलपरासी र सल्यानमा आफ्नो ७९ र ८० औं शाखाहरु संचालनमा ल्याएको छ । बैंकले नवलपरासीको बुलिङ्गटार र सल्यानको रामपुर,कालिमाटिमा नयाँ शाखा संचालनमा लायाएको हो ।
आइतबार बुलिङ्गटार शाखाको बैँकका सञ्चालक दिपक कार्कीले उद्घाटन गरेका हुन् भने सोमबार कालिमाटि शाखाको बैंकका सञ्चालक मुकुन्द नाथ ढुङ्गेलले गरेका हुन् । यी शाखाहरुबाट सर्वसाधारण तथा उद्यमीले सबै प्रकारका निक्षेप तथा कर्जा कारोबार सुविधा र रकम भुक्तानी लगायत सम्पुर्ण बैँकिङ्ग सेवा प्राप्त गर्न सक्ने बैंकले जनाएको छ ।
यी शाखाहरु सहित बैंकले ८० शाखा, ७ एक्सटेन्सन काउन्टर, ६ शाखारहित घरदैलो बंैकिङ्ग सेवा तथा ५७ वटा एटिएमबाट बैंकिङ्ग सुविधा प्रदान गर्दै आएको छ।