महालक्ष्मी विकास बैंकले चिप प्रणालीमा आधारित भिजा डेबिट कार्ड सार्वजनिक गरेको छ । कार्ड सम्बन्धी कारोबारलाई सुरक्षित र विश्वसनीय बनाउन कार्डबाट हुने कारोबारको जोखिम न्यूनीकरण गर्ने उद्देश्यले चिप प्रणालीमा आधारित भिजा डेबिट कार्ड सञ्चालनमा ल्याइएको बैंकले जनाएको छ ।
यस अघि बैंकले आफ्ना ग्राहकहरुका लागि पारम्परिक Magnetic Stripe प्रविधिका भिजा डेबिट कार्ड उपलब्ध गराउँदै आएको थियो । बैकले पूराना Magnetic Stripe प्रविधिका कार्डलाई चिप प्रणालीमा आधारित EMV महालक्ष्मी भिजा डेबिट कार्डमा प्रतिस्थापना गर्ने जनाएको छ ।
बैंकले संसारको जुनसुकै ठाउँबाट बैकिङ्ग कारोबार गर्न सकिने चिप प्रणालीमा नै आधारित डलर डेबिट कार्ड पनि सञ्चालनमा ल्याउने तयारी थालेको छ ।