बैंकर्स संघले सर्वसाधारण निक्षेपकर्तालाई दिने मुद्दतिको ब्याज बैंकहरुलाई खुला गर्ने निर्णय गरेको छ। संघको मंगलबार बसेको बैठकले ब्यक्तिगत निक्षेपमा बैंकहरुले आफ्नो अनुकुलतामा ब्याज निर्धारण गर्नको लागि बाटो खुला गरेको हो । यस अघि मुद्दतिमा बढिमा साढे १० प्रतिशतसम्म दिन पाउने सहमति थियो।
बैठकले बचतको ब्याज दर सात प्रतिशत कायम गरेको छ । यस अघि ५ देखि ७ प्रतिशत कायम गर्ने सहमति रहेकोमा अब भने न्यूनतंम सिमा हटाइएको छ ।
संस्थागत निक्षेपको हकमा भने १० वर्षसम्मकोमा ११ प्रतिशत र १० वर्षभन्दा माथिकोमा आपसी सहमतिमा ब्याज निर्धारण गर्ने सकिने ब्यबस्था संघले गरेको छ ।
यस संगै बैंकहरुबीच ब्याजदर बढाउने प्रतिस्पर्धा हुने देखिएको छ ।