गरिमा विकास बैंक Garima Bikas Bank Limited ले रुपन्देहीको योगी कुटीमा नयाँ शाखा सञ्चालनमा ल्याएको छ । तिलोत्तमा नगरपालिकाका मेयर बासुदेव घिमिरेले उक्त शाखाको उद्घाटन गरे । योसँगै गरिमाले रुपन्देही जिल्लामा मात्रै ६ वटा शाखा सञ्चालनमा ल्याईसकेको बैंकका प्रमुख कार्यकारी अधिकृत गोविन्द प्रसाद ढकालले बताए ।
बैंकले काठमाडौँ उपत्यका भित्र ८ वटा सहित देशभर ६६ शाखा र १५ वटा एटिएम मार्फत सेवा प्रदान गर्दै आएको छ ।