जनता बैंक Janata Bank Nepal Limited र सिटिजन लाइफ इन्स्यूरेन्सबिच सेवा सम्बन्धी सम्झौता भएको छ । सम्झौतामा बैंकका प्रमुख कार्यकारी अधिकृत परशुराम कुँवर क्षेत्री र इन्स्यूरेन्सका प्रमुख कार्यकारी अधिकृत पोषकराज पौडेलले हस्ताक्षर गरेका हुन् ।
सम्झौता अनुसार बैंकका ग्राहकले बैंकका सम्पूर्ण शाखाहरुबाट सिटिजन लाइफ इन्स्योरेन्सको सेवा लिन सक्ने छन् । साथै शाखाहरुबाटै बिमा लेख प्राप्त गर्न, प्रिमियम भुक्तानी गर्न, दावी भुक्तानी लगायत बिमा सेवा प्राप्त गर्न सकिने बैंकले जनाएको छ ।