प्रभु बैंक Prabhu Bank Limited ले अनलाईन शेयर कारोबारको नयाँ खाता संचालनमा ल्याएको छ । बैंकले स्वचालित प्रणालीबाट अनलाईन शेयर कारोबार गरी शेयर खरिद विक्री बापतको रकम रकमान्तर तथा राफसाफको लागि 'प्रभु अनलाईन ट्रेडिङ बचत खाता' सञ्चालनमा ल्याएको हो ।
यस बचत खाताबाट लगानीकर्ताहरुले घरमै बसी बसी सजिलै स्वचालित अनलाईन शेयर कारोबार गर्न तथा शेयर खरिद विक्री बापतको रकम राफसाफ गर्न सक्ने बैंकले जनाएको छ । यो खाता खोल्ने ग्राहकलाई निशुल्क ई बैंकिंग सेवा प्रदान गरिने पनि बैंकले जानकारी दिएको छ।
बैंकका हाल कायम ग्राहकले केवाईसी अपडेट गरेर अनलाइन ट्रेडिङ गर्न सक्ने बैंकले जनाएको छ । तर त्यसको लागि ई बैंबैंकिंग भने अनिवार्य रुपमा लिनु पर्ने छ ।
अनलाइन ट्रेडिङको लागि नेप्सेले प्रभु सहित ४ बाणिज्य बैंकसंग 'बैंक इन्टिग्रेसन गरेको थियो ।
