नेपाल राष्ट्रबैंकले बैंक तथा वित्तीय संस्थाहरुले स्वीकार गर्ने कल निक्षेपको सीमा तोकेको छ । बैंकले बिहिबार एक सर्कुलर जारी गर्दै सीमा तोकेको जानकारी गराएको हो ।
जस अनुसार अब वाणिज्य बैंकले स्वीकार गर्ने कल निक्षेपको अंश कुल निक्षेप दायीत्वको १० प्रतिशतभन्दा बढी गर्न पाइने छैन । त्यस्तै ‘ख’ तथा ‘ग’ वर्गका बैंक तथा वित्तीय संस्थाहरुले स्वीकार गर्ने कल निक्षेपको अंश कुल निक्षेप दायीत्वको १५ प्रतिशतभन्दा बढी गर्न पाइने छैन ।
यो परिपत्र जारी हुँदाका बखत तोकिएको सीमाभन्दा बढी प्रतिशत कल निक्षेप भएका बैंक तथा वित्तीय संस्थाहरुले २०७७ असार मसान्तसम्ममा यो सीमाभित्र ल्याइसक्नुपर्ने राष्ट्र बैंकले जनाएको छ ।
यो ब्यबस्था मौद्रिक नीतिको अर्धबार्षिक समिक्षा मार्फत आएको भए पनि यसलाई बल्ल राष्ट्र बैंकले कार्यन्वयनमा ल्याएको हो ।