सनराइज बैंक Sunrise Bank Limited ले ४ वटा शाखारहित बैंकिङ्ग सेवा सुरु गरेको छ ।रुपन्देहीको मायादेवी गाँउपालिका ५, पर्साहवा र ओमसतिया गाँउपालिका ६, मझौलीमा बैंकले शाखारहित बैंकिङ सेवा सुरु गरेको हो । यसैगरी महोत्तरीको बर्दिवास नगरपालिका ११, खयरमारा र सिराहाको लक्ष्मीपुर पतारी गाँउपालिका १, रामपुर बजारमा पनि शाखारहित बैंकिङ्ग सेवा सुरु गरेको छ ।
पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ ।
यो संगसंगै बैंकको कुल शाखारहित बैंकिङ्ग सेवा संख्या ३३ पुगेको छ ।