ग्लोबल आइएमई बैंक लिमिटेड र जनता बैंक नेपाल लिमिटेडले आज मर्जरको लागि सहमती पत्रमा हस्ताक्षर गरेका छन् । आज आयोजित कार्यक्रमा ग्लोबल आइएमई बैंकका अध्यक्ष चन्द्रप्रसाद ढकाल र जनता बैंकका अध्यक्ष केशब बहादुर रायमाझीले मर्जरका लागि सहमती पत्रमा हस्ताक्षर गरेका हुन ।
मर्जरपछि बैंकको नाम ग्लोबल आइएमइ नै रहने छ भने सञ्चालक समितिको अध्यक्षमा ढकालले नै निरन्तरता पाउने छन । सञ्चालक समितिमा ग्लोबल आइएमईबाट पाँच जना र दुई जना जनता बैंकबाट रहने छन् । त्यस्तै प्रमुख कार्यकारी अधिकृतमा जनताका पर्शुराम कुँवर क्षेत्री रहने र बरिष्ठ डेपुटी सिइओमा ग्लोबल आइएमई बैंकका कामु प्रमुख कार्यकारी अधिकृत महेश शर्मा ढकाल रहने सहमती भएको छ ।
जनता बैंकको १०० कित्ता बराबर ग्लोबलको ८५ कित्ता शेयर हुने गरी स्वाप तय गरिएको ग्लोबल आईएमई बैंक स्रोतले जनाएको छ । यद्यपि यसको अन्तिम टुंगो भने सम्पत्ती तथा दायित्व मूल्याङ्कन (डिडिए) रिपोर्टको आधारमा गरिने छ । मर्जपछि बन्ने बैंकको नाम ग्लोबल आईएमई नै रहेको स्रोतले जनाएको छ ।
मर्जरको लागि ६ सदस्यीय मर्जर कमिटि गठन भएको छ । हाल ग्लोबल आइएमई बैंकको चुक्ता पूँजी दश अर्ब ३१ करोड रुपैयाँ छ भने जनता बैंकको आठ अर्ब रुपैयाँ छ।
जनता बैंकका सीइओ क्षेत्रीले यस अघि बिजपाटीसंगको कुराकानीमा मौद्रिक नीति अगावै बैंकले मर्जर समझौता गर्न सक्ने बताएका थिए ।
यो हेर्नुस :