सांग्रिला डेभलपमेन्ट बैंकले मुस्ताङको एक विद्यालयमा अध्ययनरत बालिकालाई आर्थिक सहयोग गरेको छ । बैंकले आफ्नो संस्थागत सामाजिक उत्तरदायित्व कार्यक्रम अन्तर्गत घरपोजङ गांउपालिका वडा नं. ३मा रहेको जनकल्याण आधारभुत विद्यालय कक्षा २ मा अध्ययनरत छात्रा रेनुका परियारलाई सहयोग गरेको हो ।
विपन्न परिवारमा जन्मिएकी परियारको पढाईको लागि बैंकले आर्थिक सहयोग गरेको हो । जोमसोममा रहेको बैंकको शाखाका प्रमुख राजिब पौडेलले सो विद्यालयका प्रधानाध्यापक राम प्रसाद शर्मालाई सहयोग चेक हस्तान्तरण गरेका छन् ।
