राष्ट्रिय वाणिज्य बैंकले बर्दियाको बांसगढी नगरपालिका ५ मा शाखा सञ्चालनमा ल्याएको छ । योसँगै बैंकको शाखा सं २२१ पुगेको छ ।
बैंकका प्रमुख कार्यकारी अधिकृत किरणकुमार श्रेष्ठले दिगो आर्थिक विकासको लागि शहरी तथा ग्रामिण क्षेत्रमा प्राथमिकताका साथ शाखा खोली वित्तीय पहुंच विस्तार गर्ने काममा बैंक अगाडि बढिरहेको बताए ।
बैंकले १७५ वटा एटिएम र ९३ वटा शाखा रहित बैंकिङ्ग मार्फत सेवा दिँदै आएको छ । हाल बैंकले १ खर्ब ८६ अर्ब रुपैंया निक्षेप संकलन गरी १ खर्ब ४४ अर्ब रुपैंया कर्जा लगानी गरेको जनाएको छ ।
