एनआईसी एशिया बैंक NIC Asia Bank Limited का ग्राहकले ग्लोबल हस्पिटल ग्वार्कोमा उपचार सेवामा छुट पाउने भएका छन् । बैंक र हस्पिटलबीच भएको सम्झौता अनुसार बैंकका कर्मचारी, डेबिट एवं क्रेडिट कार्डवाहक तथा बैंकका ग्राहकले ग्लोबल हस्पिटलमा उपचार गराउँदा विभिन्न सेवा सुविधाहरुमा १५ प्रतिशतसम्मकोे छुट पाउने छन् ।
सम्झौतामा बैंकका तर्फबाट डिजिटल विजनेशका इन्चार्ज रौनक करवा र हस्पिटलका तर्फबाट मानव संशाधन तथा वित्त विभाग प्रमुख हिमान्सु झाले हस्ताक्षर गरेका छन् ।
बैंकले हाल २९० शाखा कार्यालय, ३०२ एटिएम, ४७ वटा एक्स्टेन्सन काउण्टर एवं ४१ वटा शाखारहित बैंकिङ्ग इकाईमार्फत् सेवा प्रदान गरिरहेको छ ।