देवः विकास बैंक Deva Bikas Bank Limited ले १३औं बर्ष पूरा गरी १४औं बर्षमा प्रवेश गरेको अवसरमा रक्तदान कार्यक्रम सम्पन्न गरेको छ । बैंकले बुधबार नेपाल रेडक्रस सोसाइटीको सहयोग एवं ब्लड डोनर्स एशोसियशन नेपाल काठमाडौं जिल्लाको सहकार्यमा केन्द्रिय कार्यालयमा रक्तदान कार्यक्रम सम्पन्न गरेको हो ।
कार्यक्रममा ७० जना भन्दा बढी रक्तदाताहरुले सहभागिता जनाएका थिए । यसै गरी सोही अवसरमा बैंकको पहलमानपुर शाखाको सक्रियतामा बैंकका कर्मचारीहरुका सथासाथै विद्यार्थी, भक्तजन एवं स्थानीय गन्यमान्य व्यक्तिहरुको उपस्थितिमा स्थानीय घोडाघोडी गुरुकुलमा संस्कृत अध्ययनरत विद्यार्थीहरुलाई दैनिक आवश्यक खाद्यान्न वितरण गरेको छ ।