एनआईसी एशिया बैंक NIC Asia Bank Limited का ग्राहकले मेघा हस्पिटल धोबिघाटमा उपचार सेवामा छुट पाउने भएका छन् । बैंक र हस्पिटलबीच भएको सम्झौता अनुसार बैंकका डेबिट एवं क्रेडिट कार्डवाहक तथा सम्पूर्ण ग्राहकले उक्त हस्पिटलमा उपचार गराउँदा विभिन्न सेवा सुविधाहरुमा २० प्रतिशतसम्म र फार्मेसीमा १० प्रतिशत सम्मको छुट प्राप्त गर्नेछन् ।
सम्झौतामा बैंकको तर्फबाट डिजिटल विजनेश विभागका इन्चार्ज रौनक करवा र हस्पिटलको तर्फबाट अध्यक्ष किशोर जंग राणाले हस्ताक्षर गरेका छन् ।
बैंकले हाल २९२ शाखा कार्यालय, ३०२ एटिएम, ४७ वटा एक्स्टेन्सन काउण्टर एवं ४१ वटा शाखारहित बैंकिङ्ग इकाईमार्फत् सेवा प्रदान गरिरहेको छ ।