मौद्रिक नीति बुधबार सार्वजनिक हुने भएको छ । मौद्रिक नीति पारित गर्नको लागि बुधबार बिहान राष्ट्र बैंकको पूर्ण बोर्ड बैठक बोलाईएको छ। पूर्ण बैठकले पारित गरेमा बुधबार दिउँसो मौद्रिक नीति सार्वजनिक हुने नेपाल राष्ट्र बैंक गभर्नर कार्यालयले जनाएको छ । कार्यालयले औपचारिक कार्यक्रम गरेरै मौद्रिक नीति सार्वजनिक गरिने पनि स्पष्ट पारेको छ ।
मौद्रिक नीति सार्वजनिक गर्नु अगाडी राष्ट्र बैंकको बोर्ड बैठकले पारित गर्नु पर्छ । राष्ट्र बैंकको बोर्डमा गभर्नर डा चिरन्जीवी नेपाल, अर्थ सचिव डा राजन खनाल, डेपुटी गभर्नर द्वय शिवराज श्रेष्ठ र चिन्तामणि शिवाकोटी रहेका छन् । त्यस्तै बोर्डका अन्य सदस्यमा डा श्रीराम पौड्याल, डा सुबोधराम कर्ण र रामजी रेग्मी रहेका छन् ।
मौद्रिक नीतिमा यस अघि फोर्स मर्जरको नीति आउने चर्चा चलेपनि अब भने केहि सहुलियत सहित मर्जरमा जान प्रोत्साहन गर्ने गरी मौद्रिक नीति आउने स्रोतले जनाएको छ ।
