एनएमबि र ओम डेभलपमेन्ट बैंकको मर्जरलाई नेपाल राष्ट्र बैंकले अन्तिम स्वीकृति दिएको छ । राष्ट्र बैंकको गत बिहीबार बसेको बोर्ड बैठकले मर्जरको लागि अन्तिम स्वीकृति दिएको हो । अन्तिम स्वीकृति पाएसंगै दशैँ अगाडी नै एकीकृत कारोबार सुरु गर्ने लक्ष्यका साथ बाँकि काम भईरहेको दुवै बैंकले जनाएका छन् ।
यद्यपि मर्जरमा कर्मचारी समायोजन भने पेचिलो बनेको छ । स्रोतका अनुसार ओमका १०० जना भन्दा बढी कर्मचारी बाहिरिने भएका छन् । जस अनुसार ७० जना संयुक्त मर्जर कमिटिको निर्णय प्याकेज लिएर बाहिरिन लागेका हुन् । अन्य कर्मचारीहरुलाई पनि प्याकेज लिने बिकल्प रहेकोले उनीहरुले प्याकेज लिएर बाहिरिन लागेका हुन् ।
यी दुई बैंक १००ः७६ को स्वाप रेसियमा गाभिन लागेका हुन् । जस अनुसार ओमका शेयरधनीहरुले मर्जरपछि प्रत्येक १०० कित्ता बराबर एनएमबि बैंकको ७६ कित्ता शेयर प्राप्त गर्नेछन् ।
