कृषि विकास बैंक Agriculture Development Bank Limited बाट गत आइतबार ह्याकरहरुले डेढ करोड बढी रकम चोरेका छन् । ह्याकरको समूहले सिस्टम ह्याक गरेर बैंकको लहान शाखाबाट काठमाडौंस्थित केन्द्रीय बैंकमा ट्रान्सफर गरी सो १ करोड ५६ लाख रुपैयाँ चोरी गरेको खुल्न आएको हो ।
राष्ट्र बैंकका प्रबक्ता लक्ष्मी प्रपन्न निरौलाले रकम चोरीको पुष्टि गर्दै यस अघि एटिएम ह्याक गरेको रकम चोरिएकोमा यो फरक तरिकाको चोरी भएको बताएका छन् ।
प्रहरी स्रोतका अनुसार यस घटनामा संलग्न भएको आशंकामा केहि व्यक्तिहरु प्रक्राउ समेत परि सकेका छन् । प्रहरीले उनीहरुमाथि थप अनुसन्धान गरिरहेको बताएको छ । घटनाको थप विवरण आउँन बाँकि छ ।
