बिजपाटी सम्बाददाता     Dec 08, 2019 | 06:14:17 PM


सनराइज बैंक Sunrise Bank Limited  ले चितवनंंमा शाखारहित बैंकिङ्ग सेवाको सुरुवात गरेको छ । बैंकले चितवनको रत्ननगर नगरपालिका वडा नं १४ मा शाखारहित बैंकिङ्ग सेवाको सुरुवात गरेको हो। 

रत्ननगर नगरपालिकाको अध्यक्ष हरि कुमार श्रेष्ठ र बैंकको प्रादेशिक कार्यालय ३ का सदस्य अचुत जङ्ग श्रेष्ठले संयुक्त रुपमा सेवाको उद्घाटन गरेका हुन । अचुत जङ्ग श्रेष्ठले शाखारहित बैंकिङ्ग सेवाको एजेन्ट÷प्रतिनिधि नारायण कुमारलाई पोइन्ट अफ सेल मेसिन हस्तान्तरण गरेका छन् । उक्त पोइन्ट अफ सेल मेसिनको माध्यमबाट बचत तथा भुक्तानीका लागि शाखा कार्यालय नभएको ठाँउबाट समेत शाखारहित बैंकिङ्ग सेवा अन्तर्गत एटिएम कार्ड मार्फत कारोबार गर्न सकिने बैंकले जनाएको छ ।

बैंकले १२६ वटा शाखा,४० वटा शाखारहित बैंकिङ्ग सेवा, ८ वटा एक्सटेन्सन काउण्टर र १४५ वटा ए.टि.एम मार्फत सेवा प्रदान गर्दै आइरहेको छ ।


Share your thoughts!

बिजपाटी सम्बाददाता

नेपालको आर्थिक अनलाइन पत्रिका