सेञ्चुरी कमर्सियल बैंक Century Commercial Bank Limited ले लाभांश घोषणा गरेको छ । बैंकको बिहिबार बसेको संचालक समितिको बैठकले आर्थिक वर्ष २०७५/०७६ को मुनाफाबाट वितरण गरिने लाभांश प्रस्ताव गरेको हो ।
जस अनुसार बैंकले हाल कायम चुक्ता पुंजीको २ प्रतिशत बोनस र ४.७५ प्रतिशत नगद लाभांश वितरण गर्ने प्रस्ताव गरेको हो । बैंकले २ प्रतिशतले हुन् आउने १६ करोड ८३ लाख ९ हजार बराबरको बोनस र ४.७५ प्रतिशतले हुन ३९ करोड ९७ लाख ३४ हजार बराबरको नगद लाभांश वितरण गर्ने प्रस्ताव गरेको हो । हाल कम्पनीको चुक्ता पुंजी ८ अर्ब ४१ करोड ५४ लाख रहेको छ ।
कम्पनीको उक्त प्रस्ताव नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा वितरण हुने छ ।
