एनआईसी एसिया बैंक NIC Asia Bank Limited र खल्ती डिजिटल वालेटबीच डिजिटल भुक्तानी सम्बन्धी सम्झौता भएको छ । उक्त सम्झौतामा बैंकका सीईओ रोशन कुमार न्यौपाने र खल्तीका डाइरेक्टर अरविन्द साहले हस्ताक्षर गरेका हुन् ।
सम्झौता अनुसार बैंकका ग्राहकहरुले मोबाईल तथा इन्टरनेट बैंकिङ सेवा प्रयोग गरी ‘खल्ती’मा सजिलै पैसा लोड गर्न र ‘खल्ती’ को प्लाटफर्ममा उपलब्ध सबै प्रकारका सेवाहरुको डिजिटल भुक्तानी गर्न सक्नेछन् । उक्त सहकार्यबाट बैंकका ग्राहकहरु लाभान्वित हुने विश्वास बैंकले लिएको छ ।
खल्ती नेपाल राष्ट्र बैंकबाट अनुमती प्राप्त एक पेमेन्ट गेटवे हो ।
