मेगा बैंक नेपाल Mega Bank Nepal Limited ले ‘मेगा कर्पोरेट बेनीफिट सेभिङ्स अकाउन्ट’ बचत योजना ल्याएको छ । सरकारी, गैरसरकारी तथा निजी क्षेत्रका कर्मचारीहरुका लागि बैंकले योजनाको २०२० संस्करण ल्याएको जनाएको छ ।
योजना अन्तर्गत न्यूनतम एक हजार रुपैंया खातामा बचत हुनु पर्ने र त्यसमा ६.५ प्रतिशत ब्याज साथै बिभिन्न आकर्षक सुविधा तथा छुटको पनि व्यवस्था रहेको बैंकले जनाएको छ । योजनामा ग्राहकलाई ५० हजार रुपयाँसम्मको मेडिकल बिमा र ७ लाख रुपयाँको दुर्घटना बिमाको व्यवस्था रहेको छ ।
मोबाइल बैंकिङ, डेबिट कार्ड र क्रेडिट कार्ड पहिलो बर्ष निशुल्क उपलब्ध गराइने बैंकले जनाएको छ । यस्तै नेपालभित्रका जुनसुकै बैंकका एटीमबाट रकम झिक्न कुनै शुल्क नलाग्ने बताइएको र खातावाललाई ऋण लिन पनि उक्त योजनामा सुविधाहरु रहेको बैंकले जनाएको छ ।
बैंक अनुसार देशभरका एक सय ११ वटै शाखाबाट यो योजना अन्तर्गतको खाता खोल्न सकिन्छ।