बैंक अफ काठमाण्डू Bank of Kathmandu Limited का ग्राहकले अनामनगरमा रहेको काठमाण्डौं क्लिनिक अफ कस्मेटिक सर्जरीको सेवा सुविधामा छुट पाउने भएका छन् । बैंक र क्लिनिकबीच छुट सम्बन्धी सम्झौता भएसंगै ग्राहकले यस्तो सुविधा पाएका हुन् ।
उक्त सम्झौतामा बैंकका कार्ड विभाग प्रमुख अमर राजभण्डारी र क्लिनिकका निर्देशक सुयोग मैनालीले हस्ताक्षर गरेका हुन् । सम्झौता अनुसार बैंकको मोबाईल बैंकिङ्ग, डेबिट तथा क्रेडिट कार्डबाट क्लिनिकको सेवा सुविधा शुल्क भुक्तानी गर्दा ग्राहकले १० प्रतिशत छुट पाउने छन् ।
बैंकले ८७ शाखा कार्यालयहरु, ७८ एटिएम र १० एक्स्टेन्सन काउन्टरबाट सेवा दिदै आईरहेको छ ।