माछापुच्छ्रे बैंकबाट प्रमुख कार्यकारी अधिकृत सुमन शर्मा बाहिरिएका छन् । शर्माले चैत १ गतेदेखि लागु हुने गरी बैंक छाडेका हुन् ।
शर्माले संचालक समितिसँगको सहमति मै बैंक छाडेका हुन् । शर्माले पारिवारिक कारणले बैंक छोडेको बताईएको छ । परिवारका सदस्यको स्वास्थ्यका कारण परिवारलाई बढी समय दिनु परेको र बैंकलाई पर्याप्त समय दिन नसकेपछि उनले बैंक छोडेका हुन् । ४ वर्षको लागि नियुक्त भएका उनले २३ महिना मै बैंक छोड्ने निर्णय गरेका हुन् ।
यससंगै कामु प्रमुख कार्यकारी अधिकृतको जिम्मा नायव प्रमुख कार्यकारी सन्तोष कोइरालाले पाएका छन्। उनले चैत १ देखि जिम्मेवारी सम्हाल्ने छन् ।