सनराइज बैंक Sunrise Bank Limited ले पाटन अस्पतालका डाक्टर तथा नर्सका लागि आवश्यक व्यक्तिगत सुरक्षात्मक उपकरण पिपिइ सहयोग गरेको छ । कोरना भाइरसको उपचारमा खटिने चिकित्सक र नर्सका लागि बैंकले २० थान पिपिइ दिईएको जनाएको छ।
आइतबार बैंकका प्रमुख कार्यकारी अधिकृत जनक शर्मा पौड्यालले पाटन अस्पतालका डा.विष्णु प्र. शर्मालाई २० थान व्यक्तिगत सुरक्षात्मक उपकरण हस्तान्तरण गरेका हुन् ।
कार्यक्रममा प्रमुख कार्यकारी अधिकृत पौड्यालले मुलुकमा आई परेको कठिन परिस्थितीमा समेत चिकित्सक र नर्सले निभाएको भूमिका सराहनीय रहेको बताउँदै सामाजिक उत्तरदायित्व वहन गर्दै अस्पतालमा खटिने स्वास्थ्यकर्मीका लागि सहयोग गरेको बताए ।