सिटिजन्स बैंक इन्टरनेसनल Citizens Bank International Limited ले मोरङ्गको सलकपुरमा शाखा विस्तार गरेको छ । बैंकले सोमबारबाट सञ्चालनमा ल्याएको सलकपुर शाखा बैंकको ९५औं शाखा हो ।
कोरोनाका कारण पर्न सक्ने सम्भावित असर एवं लकडाउनलाई मध्यनजर गर्दै सम्पूर्ण सुरक्षात्मक उपायहरू अवलम्बन गरी उक्त शाखाको उद्घाटन गरेको बैंकले जनाएको छ ।
उक्त शाखामार्फत ग्राहकहरुको वित्तीय आवश्यकता पुरा गर्न सम्पूर्ण रिटेल बैकिंग सेवाप्रदान गर्नुका साथै साना तथा लघु व्यवसायीहरुमाझ वित्तीय पहुँच पुर्याउने लक्ष्य राखेको बैंकले जनाएको छ ।
