ग्लोबल आइएमई बैंक Global IME Bank Limited ले उदयपुर जिल्ला अदालत परिसरमा एटीएम सेवा सुरु गरेको छ । यससंगै बैंकको एटीएम सेवा संख्या २३६ पुगेको छ ।
उक्त एटिएम उदयपुर जिल्ला अदालतका न्यायधीशद्वय दिपक खनाल र मनोज केसीले संयुक्त रुपमा उद्घाटन गरेका हुन् । बैंकले सरकारी कार्यालयका कर्मचारीहरुका साथै अन्य सर्वसाधारण ग्राहकहरुलाई लक्षित गरी उक्त एटिएम सेवा सञ्चालनमा ल्याएको जनाएको छ ।
बैंकले २५७ वटा शाखा, ३९ वटा एक्सटेन्सन तथा राजश्व संकलन काउण्टर, २३६ वटा एटिएम, २०१ वटा शाखारहित बैंकिङ्ग सेवा र विदेशस्थित ३ सम्पर्क कार्यालयबाट सेवा दिदै आइरकेहो छ ।