नेपाल राष्ट्र बैंकले पहिलो पटक एटिएमबाट निकाल्न पाइने रकमको मासिक सीमा तोकेको छ । राष्ट्र बैंकको भुक्तानी प्रणाली विभागले एकिकित निर्देशिका जारी गर्दै पहिलो पटक एटिएमको हकमा मासिक सीमा तोकेको हो ।
जस अनुसार अब ग्राहकले एटीएम कार्डबाट मासिक ४ लाख रुपैयाँ भन्दा बढी रकम निकाल्न पाउने छैनन् । यसअघि एटीएमबाट हुने प्रतिपटक र दैनिक कारोबारका लागि मात्र सीमा तोकिएको थियो।
यो पनि: एटिएममा लगानी ४ अर्ब, आम्दानी शुन्य: सेवा बन्द हुनसक्ने चेतावनी
त्यस्तै बैंक वित्तीय सँस्थाले अन्तर बैंक एटिएमको कारोबारमा शुल्क लिन नपाउने भएका छन्। निर्देशनमा भनिएको छ ''एउटा बैंक तथा वित्तीय संस्थाले जारी गरेका एटिएम कार्ड स्वदेश भित्रै अर्को बैंक तथा वित्तीय संस्थाको एटिएममा प्रयोग गर्दा कार्ड प्रयोगकर्तासँग कुनै शुल्क लिन पाइने छैन' ।
: राष्ट्र बैंकका प्रवक्ता भट्टको अन्तर्वार्ता