नबिल बैंक Nabil Bank Limited ले वार्षिक ७.७५ प्रतिशत ब्याजदरमा शेयर धितो कर्जा प्रदान गर्ने भएको छ । बैंकले ५० लाख अथवा सोभन्दा बढीको कर्जा प्रदान गर्ने जनाएको हो ।
यस अनुसार बैंकले नेपाल स्टक एक्सचेन्ज नेप्सेमा कारोबार हुने शेयरहरु धितो राखी वार्षिक ७.७५ प्रतिशत ब्याजमा कर्जा प्रदान गर्ने छ । नबिल बैंकका सम्पूर्ण शाखाहरुबाट शेयर धितो कर्जा प्राप्त गर्न सकिने बैंकले जनाएको छ ।
बैंकले ११९ शाखाहरु र १८५ एटिएम काउण्टरहरुबाट सेवा दिदै आएको छ ।