नबिल बैंक लिमिटेड Nabil Bank Limited लाई २०२० का लागि एसियाली विकास बैंकको ट्रेड एन्ड सप्लाई चेन फाइनान्स प्रोग्राम (टीएससीएफपी) ले नेपालको अग्रणी पार्टनर बैंकको रूपमा मान्यता दिइएको छ ।
टीएससीएफपी ले व्यापार बित्तको बजारलाई उत्थान तथा व्यापारलाई बढावा दिने उद्देश्यका साथ बैंकहरुलाई ग्यारेन्टी र ऋण प्रदान गर्ने गर्दछ ।
ट्रेड फाइनान्स प्रोग्रामले ग्यारेन्टी र ऋण मार्फत बजारमा रहेका कठिनाईहरु अन्त्य गरेर दिगो विकासका लक्ष्यहरू हासिल गर्न देशहरूलाई सशक्त गर्दछ । एडीबी व्यापार वित्त कार्यक्रम घोषणा अनुसार नबिल बैंकले १ जुलाई २०१९ देखि ३० जून २०२० सम्म नेपालमा टीएससीएफपी संग सबैभन्दा बढी कारोबार रेकर्ड गरेको थियो ।
३५ बर्षदेखि बैंकिङ सेवा प्रदान गर्दै आएको नबिल बैंकले आफ्ना ११९ शाखा, १८५ एटिएम र १५०० भन्दा बढि नबिल रेमिट एजेन्टहरु आफ्ना ग्राहकहरुलाई सेवा प्रदान गरिरहेको छ।