मञ्जुश्री फाईनान्स लिमिटेडले आफ्नो एघारौ शाखा कार्यालय पर्सा जिल्लाको विरगञ्ज स्थित आदर्शनगर,विरगञ्जमा स्थापना गरेको छ । मञ्जुश्री फाईनान्स लिमिटेडका सञ्चालक समितिका सदस्यहरु कमलकुमार वेगानी तथा चिन्तामणि गौतमले संंयुक्त रुपमा शाखा कार्यालयको उद्घाटन गरेका हुन् । काठमाडौंको नयाँ बानेश्वरमा मुख्य कार्यालय रहेको यस फाईनान्सको यस अघि नारायणगढ, न्युरोड–काठमाडौं, बुटवल, धनगढी,इटहरीे, बिराटनगर , नेपालगञ्ज, धरान तथा पोखरामा शाखाहरु रहेका छन् ।
चुक्तापूँजी रु. ७२,४३,७८,५०० (रु. बहत्तर करोड त्रीचालीस लाख अठहत्तर हजार पाँच सय मात्र) रहेको राष्ट्रिय स्तरको यस फाईनान्सले हालसम्म निक्षेप रु.४.४६ अर्व तथा कर्जा तर्फ रु. ३.८९ अर्व परिचालन गरेको छ ।यसका साथै यस फाईनान्सले विप्रेशण, एटिएम सेवा लगायत निक्षेपमा आकर्षक ब्याजदरको सुविधा दिंदै आएको छ ।
