आइएमई जनरल इन्स्योरेन्स लिमिटेड र नर्भिक इन्टरनेश्नल हस्पिटल बिच सेवा प्रदान गर्ने सम्झौता भएको छ । उक्त सम्झौतापत्रमा आइएमई जनरल इन्स्योरेन्स लिमिटेडका प्रमुख कार्यकारी अधिकृत श्री युगेशभक्त बादे श्रेष्ठ र नर्भिक इन्टरनेश्नल हस्पिटलका प्रमुख बजार अधिकृत श्री प्रविण धरले हस्ताक्षर गरे ।
सम्झौता पश्चात आइएमई इन्स्योरेन्सबाट उपचार बीमा सेवा खरिद गर्ने ग्राहकको बीमा लेखको सीमासम्म नर्भिक इन्टरनेश्नल हस्पिटलबाट नगद रहित हस्पिटलाईजेसन सेवा प्राप्त हुनेछ । सिईओ श्रेष्ठले कम्पनी बीमा क्षेत्रमा उच्च स्तरको सेवा प्रदान गर्न प्रतिवद्ध रहेको बताए ।
