निरोज कुमार थापा     Jul 28, 2019



पदयात्रा व्यवसायीको छाता संगठन ट्रेकिङ एजेन्सिज् एसोसियसन अफ नेपाल (टान) को साधारणसभा भदौ २० मा हुँदैछ । यो सधारणसभाले नयाँ नेतृत्व समेत चयन गर्नेछ । टानमा विभिन्न पदका आकांक्षीहरु आफ्नो दावी प्रस्तुत गरिरहेका छन् । 

आगामी साधारणसभाबाट नयाँ अध्यक्ष आउने भएपछि १८ सय भन्दा बढी सदस्य भएको टानमा नेतृत्वको दावेदारी प्रस्तुत भईरहेको छ । कसैले विज्ञप्ति र कसैले सामाजिक सञ्जालबाट उम्मेद्वारी घोषणा गरिरहेका छन् । सबै उम्मेद्वारले टानको वेथिति हटाउने, पदयात्री सूचना प्रणाली (टिम्स) को प्रभावकारी कार्यान्वयन गर्ने र टिम्स वापत टानले पाउनुपर्ने पैसा दिलाउने लगायतका नारा फेरि घन्काउन थालेका छन् । त्यसो त टानको यसअघिको निर्वाचनमा पनि यी नारा नगुञ्जिएका होईनन् । जब नेतृत्व चयनको समय आउँछ, तब विगतका नारा फेरि घन्किन्छन् । 

टानको वर्तमान कार्यसमितिमा बरिष्ठ उपाध्यक्ष खुम सुवेदी अहिले अध्यक्षका मुख्य प्रत्यासी हुन् । माउन्टेन टुरिजमका क्षेत्रमा २६ वर्ष लामो अनुभव भएका उनी आफू अध्यक्ष बन्ने दाबी गर्छन् । युवा र नयाँ पदयात्रा व्यवसायीसहित हिजोका नेतृत्वको सहयोग आफूलाई हुने उनको विश्वास छ । टानमा देखिएको भद्रगोल हटाउन उनी टानको ‘क्याप्टेन’ बनेर संगठनलाई कता लैजाने भन्ने दिशा निर्देश गर्न चाहान्छन् । उनले निर्वाचित भएको तीन महिनाभित्र ‘टिम्स’ विवाद कि ‘एस’ कि ‘नो’ गर्ने दावी पनि गरेका छन् । 

टानको वर्तमान कार्यसमितिले गरेका काम, आगामी निर्वाचन लगायतका विषयमा केन्द्रित रही विजपाटीका निरोज कुमार थापाले टानका बरिष्ठ उपाध्यक्ष एवम् आगामी निर्वाचनमा अध्यक्षका प्रत्यासी खुम सुवेदीसँग गरेको भिडियो कुराकानी हेरौँः 


Share your thoughts!