स्मार्ट फोन HUAWEI P20 नेपाली बजारमा प्रवेश गरेको छ । अति सूक्ष्म कणहरूलाई समेत कैद गरी जीवन्त र अद्भूत तस्वीरहरु निकाल्ने यो नयाँ क्यामेरा प्रविधिसहित बजारमा आएको HUAWEI P20 सर्वाधिक आधुनिक स्मार्ट फोन क्यामेरा हो ।
HUAWEI P20 क्यामेरा फोन आधुनिक भएपनि प्रयोग गर्न सजिलो रहेको कम्पनीले जनाएको छ ।प्रयोगकर्ताहरूलाई तस्वीरको कम्पोजिसन मिलाउन मद्दत गर्ने कृत्रिम क्षमता पनि यो स्मार्ट फोनमा उपलब्ध छ । Leica Dual Camera सेन्सरको मद्दतले HUAWEI P20 ले जुनसुकै वातावरणमा जस्तोसुकै रङ र प्रकाशलाई कैद गरी सुन्दर तस्वीर निकाल्न सक्छ ।
HUAWEI P20 सँग 12MP RGB का साथै 20MP मोनोक्रोम क्यामेरा सेटअप पनि छ । 12MP सेन्सरले कैद गर्ने तस्वीरको पिक्सेल आकार 1.55μm सम्म पुग्ने कम्पनीले जनाएको छ । हाल नेपाली बजारमा ७४ हजार ९ सय पर्ने यो स्मार्ट फोन कालो र गाढा नीलो रङमा उपलब्ध छ ।