बजाज मोटरसाइकलको नेपालका लागी आधिकारीक बिक्रेता एचएच बजाजले पल्सर एनएस १६० ट्वीन डिस्कलाई नेपाली बजारमा बिक्री सुरु गरेको छ । कम्पनीले यो मोटरसाईकल २ वटा डिस्क ब्रेक, सार्प डिजाइन र बिभिन्न चार कलर भेरिएन्टमा उपलब्ध रहेको जनाएको छ ।
नयाँ बजाज पल्सर १६० टिडिमा ड्यूल डिस्क ब्रेक, मोटो ह्वील, मोटो टायर, च्येसीस र सकर पनि पहिलाको तुलनामा ठूलो बनाईएको कम्पनीले जनाएको छ । पल्सर एनएस ट्वीन डिस्क १६०.३ सीसी सिंगल सिलिन्डर डिटिएसआई इञ्जिन छ । नेपाली बजारमा यसको मूल्य २ लाख ८६ हजार ९ सय रुपैयाँ तोकिएको छ ।
हंशराज हुलासचन्द एण्ड कम्पनीका प्रबन्ध निर्देशक शेखर गोल्छाले पल्सर एनएस १६० टिडिलाई परिवारको नयाँ सदस्यको रुपमा लिएको बताएका छन् ।