सुजुकी मोटर्सको नेपालको लागि आधिकारिक बिक्रेता सिजी मोटोकर्पले नयाँ सुजुकि स्टेट अफ द आर्ट शोरुम संचालनमा ल्याएको छ । धोबिघाटमा स्थापना गरिएको शोरुमको मारुति सुजुकी इण्डियाका कार्यकारी निर्देशक शशांक श्रीवास्तव र सिजी होल्डिङ्सका अध्यक्ष तथा प्रबन्ध निर्देशक अरुण चौधरीले उद्घाटन गरेका हुन। उक्त शोरुम १२ हजार बर्ग फिट भन्दा भन्दा बढी क्षेत्रफलमा फैलिएको छ ।
शोरुम उद्घाटन कै अवसर पारेर कम्पनीले थर्ड जेनेरेशनको वागनर कार सार्वजनिक गरेको छ । उक्त कारमा रोबस्ट बडि सिस्टम, बोल्ड फ्रन्ट फग ल्याम्प, स्मार्ट म्युजिक प्ले सिस्टम, एबिएस सगै इबिडि सिस्टम पनि रहेको कम्पनीले जनाएको छ । उक्त कारको मूल्य २४ लाख ९९ हजारदेखि २७ लाख ९९ हजारसम्म पर्ने सिजी मोटोकर्पले जानकारी दिएको छ।