रोयल इनफिल्डले नयाँ बाइक बजारमा ल्याएको छ । कम्पनीले रोयल इनफिल्ड क्लासिक ३५० सिसि गनमेटल ग्रे बाइक नेपालमा लन्च गरेको हो । कम्पनीको नेपालको लागि आधिकारिक विक्रेता विवेक अटोमोबाइल्सले एक कार्यक्रमका बीच बाइक सार्वजनिक गरेको हो ।
बाइकमा ३५० सिसिको इन्जिन, डुअल डिस्क ब्रेक, एक्सहस्ट फिन्स्, ओभल टुल बक्स, स्पिडोमिटर डायल्स, सिंगल सिट स्प्रिङग, सेडल टेल लाइट एसेम्बलि, हेडलाइट क्याप लगाएतका विशेषता रहेका छन् । बाइकको पुरानो भर्सनमा भन्दा यसमा रियर डिस्क ब्रेक फिचर थप गरिएको कम्पनीले जनाएको छ ।
बाइकको मुल्य असार मसान्त सम्मको लागि ५ लाख १५ हजार कायम गरिएको छ । आर्थिक बर्षको समाप्तीसँगै बाइकको बजार मुल्य बढ्ने कम्पनीले जनाएको छ । बाइक विवेक अटोमोबाइल्सको १९ वटा शाखाबाट उपलब्ध हुनेछ ।