पूर्वाञ्चल ल्युव आयल प्रालिले १५ औ बार्षिकोत्सब मनाएको छ। १५ बर्ष पुगेको अबसरमा पूर्व प्रधानमन्त्री केपी शर्मा ओलीले कारखाना अबलोकन गरेका छन् ।
नेपालमा उत्पादन हुने लुब्रिकेन्टस मध्ये अग्रणी रहेको पिएलओले नेपालमा ८ प्रतिशत बजार हिस्सा रहेको पिएलओका डाइरेक्टर कष्ण प्रसाद दुलालले बताए । नेपालमा उत्पादन हुने लुब्रिकेन्ट्सले समग्र बजारको ३० प्रतिशत हिस्सा ओगटेको डाइरेक्टर दुलालले बताएका छन्।
मोरङको बिराटचोकमा रहेका यस कम्पनीले पिएलओ, मेगा र स्टार ब्राण्डका ९० भन्दा बढी प्रकारका लुब्रिकेन्टस उत्पादन गरिरहेको छ । प्रत्यक्ष रुपमा २ सय भन्दा बढीलाई रोजगारी दिइरहेको पिएलओका देशभरमा ७ सय भन्दा बढी डिस्ट्रीब्युटर रहेका छन् ।
चालू आर्थिक बर्षमा ५० करोड बढीको कारोबार लक्ष्य कम्पनीले लिएको डाइरेक्टर दुलालले बताए ।
