एनसेलको फोरजी सेवा अब १७ शहरमा, १ बर्षभित्र ४० शहरहरुमा फोरजी विस्तार हुँदै

मोहम्मद अज्मत अलि

मोहम्मद अज्मत अलि

Aug 08, 2017 | 01:14:14 PM मा प्रकाशित

laxmi  sunrise bank

एनसेलले चौथो पुस्ताको मोवाइल सेवा फोरजी सेवा थप १० शहरमा विस्तार गरेको छ। सेवा थप गरीएका यी १० शहरमा साउन १७ देखि फोरजी सेवा सुचारु हुने एनसेलले जनाएको छ। 

एनसेलका ग्राहकले साउन १७ देखि विराटनगर, विर्तामोड, दमक, धरान, भरतपुर, हेटौडा, विरगञ्ज, भैरहवा, बुटवल र नेपालगञ्जमा पनि फोरजी सेवा को लाभ लिन सक्नेछन। 

फोरजी सिम तथा फोरजी सेवा सपोर्ट गर्ने मोबाइल प्रयोग गर्ने सबै प्रिपेड तथा पोस्टपेड ग्राहकले एनसेलको फोरजी सेवाको अनुभव लिन सक्नेछन। आफ्नो सिम कार्ड अझै फोरजी सिममा परिवर्तन नगरेका ग्राहकले फोरजी सेवाको लाभ लिनका लागि आफूले प्रयोग गरीरहेको सिमलाई नजिकैको एनसेल सेन्टरमा गई फोरजी चल्ने सिम (युसिम) सँग निःशुल्क साट्न सक्ने कम्पनीले जनाएको छ। थप दश शहरमा फोरजी सेवा विस्तारसंगै एनसेलको फोरजी सेवा १५ प्रतिशत जनसंख्याको पहुँचमा पुगेको कम्पनीने जानकारी दिएको छ। 

साथमा यी १० शहरमा फोरजी सेवा चलाउने ग्राहकले एस्ट्रिक्स३२४ह्यास डायल गरी ३० दिन सम्म योण्डर म्युजिक एपमा निःशुल्क गीतहरु अनलाइन सुन्न तथा डाउनलोड गर्न सक्नेछन। योण्डर म्युजिक २ करोड भन्दा बढि गीतहरु रहेको एक वृहत डिजीटल लाइब्रेरी हो। जसमा १५,००० भन्दा बढि नेपाली गीतसंगीतहरु पनि छन् ।  

"१० वटा शहरमा भएको यो सेवा विस्तारसँगै एनसेलको फोरजी सेवा अब १५.०६ प्रतिशत जनसंख्यामा पुगेको छ' -एनसेलका कर्पोरेट संवाद विज्ञ मिलन शर्मा

एनसेलको फोरजी सेवा काठमाडौं, ललितपुर, भक्तपुर (नगरकोट सहित), बनेपा, धुलिखेल, पोखरा र दमौलीमा उपलब्ध छ । पछिल्लो सेवा विस्तार सँगै एनसेलको फोरजी सेवा देशका विभिन्न भागमा रहेका १७ शहरमा पुगेको छ ।

ग्राहकले अंग्रेजीमा ‘क्यु’ टाइप गरी ३२४ मा एसएमएस पठाई आफ्नो सिम फोरजी सिम हो की होइन भन्ने बारेमा जानकारी लिन सक्नेछन् ।फोरजी एलटिई प्रविधि अन्र्तगत फ्रिक्वेन्सीको प्रभावकारीतामा सुधार भई उच्च गतिको इन्टरनेट सेवा उपलब्ध हुने भएकाले ग्राहकले आफ्नो मोबाइल डिभाईसमा अझ धेरै र राम्रा एप्लिकेसनहरु प्रयोग गर्न, तत्काल महत्पपूर्ण ठूला फाइलहरु आदान–प्रदान गर्न, उच्च गुणस्तरका भिडियो सामाग्रीहरु सजिलै हेर्न लगायतका कामहरु गर्न सक्नेछन् ।

एनसेल फोरजीको अनुमानित अधिकतम स्पिड ३४ एमबिपीएस डाउनलिंक र १५ एमबिपीएस अपलिंक रहेको छ। फोरजी सेवाको स्पिड फोरजी सिग्नलमा भर पर्ने भएकाले फोरजी स्पिड जहिले अधिकतम स्पिड भन्दा कम नै हुने गर्दछ। त्यसैले औषतमा १० देखि १५ एमबिपीएस स्पिडमा डाउनलोड र ५ देखि ७ एमबिपीएस स्पिडमा अपलोड हुने गर्दछ। 

एनसेलले सन् २०१८ को अन्त्य सम्ममा ४० शहरहरुमा फोरजी सेवा विस्तार गर्दै ग्राहकलाई द्रुत गतिको मोवाइल ब्रोडब्याण्डले ल्याउने नयाँ अवसरहरुबाट लाभ पुर्याउने लक्ष्य लिई विभिन्न शहरहरुमा नेटवर्क परीक्षण गरीरहेको छ ।

‘राष्ट्रिय ब्रोडब्याण्ड नीतिले लिएका लक्ष्य प्राप्ति तथा डिजीटल नेपाल निर्माणमा योगदान पुर्याउने आफ्नो लक्ष्य अनुरुप हामी देशका विभिन्न भागमा क्रमशः फोरजी÷एलटिई सेवाको पहुँच बढाउदै जानेछौं’ शर्माले भने ।

फोरजी÷एलटिई सेवाको सुरुवात सँगसँगै एनसेलले ग्राहकलाई आकर्षक साप्ताहिक कम्बो प्याक प्रदान गर्दै आएको छ । यस अन्तर्गत एनसेलका सबै ग्राहकहरुले सुलभ दरमा भ्वाइस, डेटा, एसएमएस र योण्डर म्युजिक सेवाको मजा एकै प्याक मार्फत लिन सक्नेछन् । एनसेलका ग्राहकले आफ्नो आवश्यकता बमोजिम रु १५०, रु ३०० र रु ५०० को प्याक खरिद गरी आकर्षक डेटा, टक टाइम र एसएमएसको मजा लिन सक्नेछन् । ग्राहकले एस्ट्रिक्स१७१२३ह्यास डायल गरी आफ्नो आवश्यकता अनुसार विभिन्न आर्कषक डेटा प्याक लिन पनि सक्छन् ।

Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved