सामसुङ इलेक्ट्रोनिक्सले सामसुङ ग्यालेक्सी जे सेभेन म्याक्स मोबाइल नेपाली बजारमा भित्र्याएको छ। यस फोनमा ५.७ इन्चको एफएचडी डिस्प्ले र नोगट ७.०.१ भर्सनको अपरेटिङ सिस्टम समावेश भएको कम्पनीले जनाएको छ।
सामसुङ ग्यालेक्सी जे सेभेन म्याक्स मोवाइलमा ४ जीबी र्याम तथा ३२ जीबी इन्टरनल मेमोरी रहेको छ भने १.६ गिगाहर्ज अक्टाकोर प्रोसेसर छ।फोनमा एफ १.७ को लेन्स र फ्लयास् सहितको १३ मेगापिक्सेलको रियर तथा एफ१.९ को लेन्स र फ्लयास्सहितको सेल्फी क्यामेरा रहेको छ।
३३०० एमएएच ब्याट्री क्षमता रहेको यस फोनमा ब्ल्याक र गोल्ड गरी दुई रंगमा उपलब्ध छ। कम्पनीले ल्याएको हालको अफर अनुसार जे सेभेन म्याक्स सेट २८ हजार २ सय ९० मा उपलब्ध छ।
नेपाल टेलिकम डाटा ग्राहकहरुका लागि थप सुविधा प्रदान गर्न, जे सेभेन म्याक्सले नेपाल टेलिकमसँग सहकार्य गरी जे सेभेन म्याक्स का ग्राहकहरुलाई ७ महिनासम्म प्रतिमहिना १ जिबीका दरले निःशुल्क डाटा तथा निःशुल्क सिमकार्ड प्रदान गरेको छ। निःशुल्क सिमकार्ड सामसुङ ब्राण्ड सपहरुबाट मात्र प्राप्त गर्न सकिने कम्पनीले जनाएको छ।