Announcement IPO Result Cricket Worldcup



मोहम्मद अज्मत अलि     Aug 20, 2017 | 03:03:03 PM



shivam cement

बुवाको मुख हेर्ने दिन तथा तीज पर्वको अवसर पारेर नेपाल टेलिकमले विभिन्न अफरहरु ल्याएको छ। टेलिकमले जीएसएम प्रिपेड तथा पोष्टपेड मोबाइलमा युट्युब डाटा प्याकेज र डिस्काउन्टेड भ्वाइस डाटा प्याकेज ल्याएको हो।

युट्युब डाटा प्याकेज अन्तर्गत प्रयोगकर्ताके एक सय रुपैयाँमा १ जिबी डाटा भोल्युम प्राप्त गर्ने छन्। यो प्याकेज २१ दिनको अवधिसम्म प्रयोग गर्न सकिने छ । त्यसैगरी ६० रुपैयाँमा ५ सय एमबी डाटा १४ दिन अवधिका लागि उपलब्ध हुने पनि कम्पनीले जनाएको छ।

डिस्काउन्टेड भ्वाइस डाटा प्याकेज अन्तर्गत प्याक १५० र प्याक २५० रहेका छन् । प्याक १५० अन्तर्गत १५० रुपैयाँमा ६०० एमबी र प्याक २५० अन्तर्गत २५० रुपैयाँमा १ जिबी डाटा भोल्युम उपलब्ध हुनेछ । यी प्याक अन्तर्गतको स्किमबाट कम्पनीकै नेटवर्कमा कल वा एसएमएस गर्दा २० प्रतिशत छुट समेत उपलब्ध हुनेछ । यी दुई प्याक क्रमशः खरिद गरेको १४ दिन र २८ दिनको समयावधिसम्म प्रयोग गर्न सकिन्छ । डाटा भोल्युम सकिए पनि कल वा एसएमएस गर्दा भने १४ दिन र २८ दिनको समयावधिसम्म नै २० प्रतिशत छुट प्राप्त हुनेछ। 

युट्युब डाटा प्याकेज लिनका लागि YT1GB वा YT500MB लेखेर १४१५ मा SMS पठाउनु पर्छ । त्यसैगरी डिस्काउन्टेड भ्वाइस डाटा प्याकेज लिनका लागि PACK150 वा  PACK250 लेखेर १४१५ मा  एसएमएस पठाउनु पर्छ ।

यी सबै अफर आगामी भदौ ५ देखि भदौ १९ सम्म खरिद गर्न सकिने छ ।  

Share your thoughts!

मोहम्मद अज्मत अलि

Editor-In-Chief









Close in 7