Announcement IPO Result Cricket Worldcup



मोहम्मद अज्मत अलि     Aug 23, 2017 | 07:08:56 PM



shivam cement


इन्टरनेट सेवा प्रदायक कम्पनी वर्ल्डलिंकले नेपालमा पहिलोपटक सुरक्षित इन्टरनेट सेवाको सुरुवात गरेको छ। वल्र्डलिंकले बालबालिकाको इन्टरनेट उपयोग र यसले पार्ने नकारात्मक प्रभावलाई ख्याल राख्दै सेफनेट नामक सुरक्षित इन्टरनेट सेवाको सुरुवात गरेको हो। 

सेफनेटले अभिभावकहरुलाई वल्र्डलिंक इन्टरनेट जडानमा कुन इन्टरनेट साइट नियन्त्रण गर्नको लागि पहुचयोग्य छ भन्ने अनुमति दिदै प्रयोगकर्ताहरुलाई कुन समयमा कस्ता नियन्त्रण सामाग्रीको छनोट गर्ने भन्ने बारेमा अनुमति दिने गर्दछ। यो सेवा वल्र्डलिंकले आफ्ना ग्राहकहरुका लागि निशुल्क प्रदान गरेको छ। 

सेफनेटको सेटिङ्ग र कन्ट्रोलहरु वल्र्डलिंकको ग्राहक पोर्टल अथवा माई वल्र्डलिंक एप्सबाट प्राप्त गर्न सकिने जनाइएको छ।

सेफनेट प्रयोगका केही उदाहरणहरु:

·       बच्चाहरुको अध्ययनको अवधिमा सामाजिक मिडियालाई प्रतिबन्धित गर्ने,

·       डिभाइसहरुलाई नकारात्मक प्रभाव पार्ने वेवसाइटहरु ब्लक गर्ने,

·       वेवसाइटहरु ब्राउजिंग गर्दा विज्ञापनहरु फिल्टर गर्ने,

·       वयस्क सामग्रीहरुलाई पूर्ण रुपमा बन्देज गर्ने,

·       फेसबुक,ट्वीटर,युट्युब जस्ता सामाजिक सञ्जालको प्रयोगलाई बन्देज गर्ने,

·       आफ्नो समय तालिका अनुसार वेवसाइट अन र अफ गर्ने,

·       विशेष वेवसाइट वा डोमेनहरु ब्ल्याक लिस्ट वा ह्वाइट लिस्ट गर्ने ।

'वल्र्डलिंकले प्रदान गरेको सेफनेटका फिल्टरिंग अल्गोरिदम,डोमेन सूचीहरु लगभग सही हो भनेर सुनिश्चित गर्ने प्रयास हो तर कुनै विशेष डोमेन वा वेवसाइटको गलत वर्गीकरणको लागि कुनै दायित्व स्विकार गरिने छैन।' वर्ल्डलिंकद्वारा जारी बिज्ञप्तीमा उल्लेख छ। 

यो सेवा नेपाली बजारमा अभ्यासको रुपमा सञ्चालन गर्न लागेको हुनाले सेवामा कुनै किसिमको वारेन्टी वा ग्यारेन्टीको व्यवस्था नरहेको वर्ल्डलिंकले बताएको छ। साथै यो सेवा सामान्य अभ्यास, जागरुकता र ज्ञानको कार्यान्वयन पश्चात सर्वोत्तम प्रयासका आधारमा प्रदान गरिनेछ। 

Share your thoughts!

मोहम्मद अज्मत अलि

Editor-In-Chief









Close in 7