न्युजिल्यान्ड विश्वकप क्रिकेटको फाइनलमा प्रवेश गरेको छ । आज भएको सेमिफाइनलमा खेलमा भारतलाई १८ रनले पराजित गर्दै न्युजिल्यान्ड सेमिफाइनलमा प्रवेश गरेको हो ।
न्युजिल्यान्डले दिएको २४० रनको विजयी लक्ष्य लिएर मैदान प्रवेश गरेको भारत ४९.३ ओभरमा अलआउट हुदै २२१ रन मात्र जोड्न सक्यो ।
लक्ष्य पछ्याउने क्रममा भारतले खराब सुरुवात गरेको थियो । भारतका मुख्य ३ ब्याट्सम्यान रोहित शर्मा, विराट कोहली र केएल राहुल सबै १ रन मात्र बनाएर आउट भए । रविन्द्र जडेजाले ७७ तथा महेन्द्र सिंह धोनीले ५० रन बनाए पनि टोलीलाई पार लागौं सकेंनन । यी बाहेक खेलमा हार्दिक पाण्डे र रिसब पन्तले समान ३२ रन बनाउनु बाहेक अन्य खेलाडीले दोहोरो अंकको रन बनाउन सकेनन । न्युजिल्यान्डको लागि म्याट हेनरीले ३ तथा ट्रेन्ट बोल्ट र मिसेल सन्थरले समान २-२ विकेट लिए । यो खेल मंगलबार नै सुरु भए पनि बर्षाले प्रभावित भएपछि आज पुरा गरिएको हो ।
अब न्युजिल्यान्डले उपाधिको लागि इंग्ल्यान्ड र अस्ट्रेलियाबीचको खेलको बिजेतासँग प्रतिस्पर्धा गर्ने छ । न्युजिल्यान्ड र अस्ट्रेलिया गत बर्षको बिश्वकपका फाइनालिस्ट हुन् ।
समुह चरणमा पाकिस्तान सेमिफाइनलमा पुग्न सक्ने रोचक समीकरण बनेको थियो । तर त्यसको लागि भारतले इंग्ल्यान्डलाई पराजित गर्नु पर्ने थियो । सोहि खेलमा भारत पराजित भई पाकिस्तानको सेमिफाइनल सम्भावना सकिएको थियो । पछि रन रेटको आधारमा पाकिस्तानलाई पछि पार्दै न्युजिल्यान्ड सेमिफाइनलमा प्रवेश गरेको हो । सो खेलपछि पाकिस्तानी समर्थकहरुले भारतले पाकिस्तानलाई सेमिफाइनलमा हेर्न नचाहेको र इंग्ल्यान्डसँग जानाजान हारेको आरोप लगाएका थिए । सोहि न्युजिल्यान्डले आज भारतलाई पराजित गर्दै लगातार दोस्रो पटक फाइनलमा स्थान पक्का गरेको हो ।
