गृहमन्त्री रामबहादुर थापाले निर्मला पन्तको बलात्कार पछि भएको हत्याबारे थप रहस्य खुलासा गरेका छन् । राज्य व्यवस्था तथा सुशासन समितिको बुधबारको बैठकमा गृहमन्त्री थापाले अनुसन्धानका क्रममा मुचुल्कामा बाबुको नक्कली औठाछाप भेटिएको जनाए ।
उनले भने, ‘घटना १० गते भएको छ, ११ गते मुचुल्का उठाउँदै त्यहाँ बाबुको औंठाछाप लगाइएको छ । जबकी उनका बाबु भारतबाट १२ गते आएको भनिएको छ ।
यस्तै मृतकको कपडा पखाल्ने काम मात्र नभई त्यसलाई जलाउने काम समेत गरेर ठूलो त्रुटी गरेको गृहमन्त्रीले बताए । उनले भने, ‘अपराध अनुसन्धान गर्ने एबीसिडी हुन्छ, तर त्यहाँ कपडासमेत जलाइएको छ ।’