कृषि विकास बैंक Agriculture Development Bank Limited ले ऋणपत्र निष्काशनको अनुमति पाएको छ । नेपाल धितोपत्र बोर्डले बैंकलाई पुस २९ गते बुधबार ऋणपत्र निष्काशनको अनुमति दिएको हो ।
बोर्डबाट अनुमति पाएसंगै अब बैंकले एक हजार रुपैयाँ अंकित दरमा ७ वर्ष अवधिको दुई अर्ब ५० करोड रुपैयाँले हुन् आउने २५ लाख कित्ता ऋणपत्र निष्काशन गर्ने छ । यो ऋणपत्र ७ बर्षे अवधिको हुने र यसमा १०.३५ प्रतिशत ब्याज प्रदान गरिने बैंकले जनाएको छ । कुल २५ कित्ता मध्ये एक अर्ब बराबरको १० लाख कित्ता ऋणपत्र सर्वसाधारणको लागि र एक अर्ब ५० करोड बराबरको १५ लाख कित्ता व्यक्तिगत संघसंस्थालाई बिक्री गरिने बैंकले जनाएको छ।
ऋणपत्र जारी गर्न बैंकले एनआईबिएल एस क्यापिटललाई बिक्री प्रबन्धक नियुक्त गरेको छ ।