गौतमबुद्ध रंगशाला बनाउन पहिलो दिनमै ४ करोड सहयोग, मुक्तिनाथ विकास बैंकले ५ लाख दिने

बिजपाटी संवाददाता

बिजपाटी संवाददाता

Jan 30, 2019 | 05:27:36 PM मा प्रकाशित

laxmi  sunrise bank

धुर्मुस-सुन्तली फाउन्डेसनले चितवनको भरतपुरमा निर्माण गर्न लागेको अन्तराष्ट्रिय स्तरको नेपालकै पहिलो क्रिकेट रंगशालालाई सहयोग गर्नेको संख्या बढ्नेक्रम छ। 

गौतमबुद्ध अन्तराष्ट्रिय किर्केट रंगशालाका निम्ति फाउन्डेसन र भरतपुर महानगरपालिकाबीच सम्झौतापत्र हस्ताक्षर कार्यक्रममै करिब ४ करोड रुपैयाँ बराबरको सहयोग रकम संकलन भैसकेको छ। 

सम्झौता हस्ताक्षर कार्यक्रममा सबैभन्दाअबधि एस ट्राभलले ३ करोड सहयोग गर्ने घोषणा गरेको छ भने अल्का हस्पिटलले २५ लाख, मुक्तिनाथ विकास बैंकले ५ लाख, रविराज सिंहले आफ्नो बुवाको नाममा ५ लाख, भद्रगोल हास्य शृंखलाको टिमले १ लाख र प्याब्सनकि जिपिका थापाले १ लाख १० हजार सहयोग गर्ने घोषणा गरेका छन।

त्यस्तै चितवन उद्योग वाणिज्य संघ ५१ लाख, क्सफोर्ड कलेज बुटवलले ७ लाख, आर एम ग्रुपले पाँच लाख , बद्री पंगेनीले एक लाख, मह सञ्चारले एक लाख सहयोग गर्ने घोषणा गरिसकेका छन। अरूले पनि सहयोगको घोषणा गरिरहेका छन्।

गौतमबुद्ध अन्तराष्ट्रिय क्रिकेट रगशाला निर्माण घोषणा, 'पहिलो खेल भारत र पाकिस्तानको'

-रंगशाला निर्माण सहयोगार्थ मलेसियामा सिटि एक्सप्रेसको धुर्मुस सुन्तली साँझ

अबको ६ महिनाभित्र सम्पूर्ण पूर्वाधार तयार गरि २ बर्षभित्रमा काम सम्पन्न गरि महानगरलाई हस्तान्तरण गर्ने लक्ष्य रहेको यस रंगशालाको लागत ३ अर्ब अनुमान गरिएको छ। 

रंगशाला त्रिभुवन विश्वविद्यालय अन्तर्गतको कृषि तथा बन बिज्ञान संकायको २० बिघा ६ कट्ठा जागामा बन्नेछ। क्रिकेट रंगशाला बनाउने भएपछि भरपुर महानगर हुँदै फाउन्डेसनलाई उपलब्ध गराएको हो । 

रंगशाला निर्माणमा सहयोगको निम्ति नेपाल इन्भेष्टमेन्ट बैंकमा 'धुर्मुस सुन्तली फाउन्डेसन' नाममा रहेको खाता नम्बर ०४००१०३०२५८७५३ मा सहयोग रकम जम्मा गर्न सकिने फाउन्डेसनले जनाएको छ। 


Share Your Thoughts

Recent News

Main News

TRENDING

Close in 7


Bizpati.com © 2020. All Rights Reserved