महालक्ष्मी विकास Mahalaxmi Bikas Bank Limited ले घर खरिद गर्न अथवा घर निर्माण गर्न इच्छुकहरुलाई लक्षित गरी आवास कर्जा अन्तर्गत विशेष कर्जा सुविधा योजना ल्याएको छ । बैकले यस कर्जा योजना अन्तर्गत निर्माण लागतको अधिकतम ९० प्रतिशतसम्म र घर खरिदमा अधिकतम ७० प्रतिशतसम्म कर्जा लगानी गर्ने जनाएको छ छ ।
बैंकका अनुसार यस योजनामा कर्जाको अवधि अधिकतम २५ वर्ष, सुलभ व्याजदर तथा कर्जा शुल्कमा विशेष छुट, घर निर्माणमा अग्रिम कर्जा प्रवाह साथै निःशुल्क दुर्घटना वीमा जस्ता सुविधाहरु हुने छन् । बजारमा हुनसक्ने उतार चढावबाट ऋणिलाई सुरक्षित गर्नका लागि यस योजना अन्तर्गत कर्जा प्रवाह गर्दा निर्धारित व्याजदर कर्जा अवधिभर यथावत् रहन पनि सक्ने व्यवस्था गरिएको बैंकले जनाएको छ ।
बैंकले १०२ वटा शाखा तथा ३५ वटा एटिएमहरुमार्फत सेवा प्रदान गरिरहेको छ ।
